Yn dilyn Sadwrn o draed i fyny, bydd Port yn dychwelyd i’r rás wrth ymweld á Cae Seilo i chwarae’r tím sydd yn 14eg yn y tabl a bydd y gic gynta’ am 2 o’r gloch.

Wrth edrych ‘mlaen mae yna ddau beth sy’n gwneud y gém hon yn anoddach na fydd golwg sydyn ar y tabl yn awgrymu. Yn y lle cynta’ mae’r Felin unwaith eto mewn brwydr i aros yn yr ANW ac i lwyddo bydd y clwb yn dibynnu’n drwm ar gemau cartref i gasglu’r pwyntiau fydd angen. Yn ail mae Cae Seilo a’i lethr yn medru bod yn broblem i ymwelwyr.

Yn gwerth ei nodi ydy record ddiweddar Felin, yn colli ond unwaith yn eu 7 gêm ddiwetha’ a’r canlyniadau yn cynnwys buddugoliaeth o 5-1 oddi cartref yn Prestatyn a cweir 5-2 i Llai mewn gêm yng Nghwpan y Gynghrair, cyn rhannu’r pwyntiau gyda NFA.

Roedd cychwyn y rhediad yn cydfynd â dychweliad dros dro Caio Hughes o’r ‘Merica. Chwaraeodd Caio am gyfnod byr gyda Port yn 2023. Bydd angen i’r amddiffyn gadw llygad ar y blaenwr ifanc Byron Davis sydd yn 3ydd yn rhestrsgorwyr yr ANW a, hyd yma, â chyfanswm o 14 gôl gynghrair.

Ers yr hyn a ddigwyddodd yn Llannefydd y Sadwrn diwetha’, agorodd drws y bencampwriaeth rhyw fymryn ym mhellach a bydd fwy eto o rheswm i Port gadw’r pwysau ar y brig a cynnal eu record diguro o 5 buddugoliaeth yn y 6 gêm ddiwetha’

Gyda un llygad ar y Swyddfa Dywydd cawn edrych ymlaen ar ddychwelyd i’r frwydr. C’mon Port